Неколку модели со потпис на AMG се повлечени поради емисии на штетни гасови.

Австралиската влада беше обвинета за повреда на чувствата на Кина откако го предводеше глобалниот притисок за независна истрага за изворот на пандемијата на коронавирусот, пренесува „Ес-би-ес њуз”. Тоа го посочи еден од највисоките кинески дипломати во Австралија, категорично одбивајќи да потврди дека Ковид-19 потекнува од Вухан.

Три лица загинаа од невремето што го зафати Мелбурн минатиов четврток. Меѓу нив се наоѓа и четиригодишно момче.

Бројот на новозаболени од коронавирусот во Викторија се намали за помалку од сто случаи кога во сабота на 29 август се забележани 94 нови инфекции. Ова е најнизок дневен број новозаболени во минатите шест недели. За жал, забележани се и 18 нови смртни случаи, потврди Министерството за здравство. Викторија се наоѓа во петтата недела од шестонеделните рестрикции, а строгите мерки би требало да бидат укинати на 13 септември.

Министерот за здравство Грег Хант потврди дека Австралија е во „напредни преговори” за производство на вакцина против коронавирусот.

Прајминистерот Скот Морисон, во средата брзо го смени ставот откако објави дека ќе ја направи задолжителна потенцијалната вакцина против коронавирус, велејќи дека наместо тоа ќе ги „охрабрува” граѓаните да се вакцинираат.

Заменикот на главниот доктор на Австралија беше внимателно позитивен кога зборуваше за способноста на Викторија да се бори против вирусот. Бидејќи бројот на случаи е стабилизиран на околу 350 во тек на минатата недела д-р Nick Coatsworth вели: „Изгледа го достигнавме врвот”.

Во Нов Зеланд ја испитуваат можноста вирусот да е увезен преку замрзната увезена храна затоа што еден од новозаразените работел во погон за замрзнување риба од Кина.
Официјалните лица се убедени дека изворот на новите инфекции не е со локално потекло, тие веруваат дека е од странство.

Кралицата Елизабета Втора постхумно одликува морнар кој загинал за време на Втората светска војна кога потонал заедно со воен брод додека пукал на јапонски авиони, соопшти нејзиниот претставник во Австралија.

Судот на Нов Зеланд го осуди на 11 години затвор 66-годишен Џозеф Матамата од Самоа поради робовладетелство.
Тој изминатите 24 години ги намамувал жителите на Самоа ветувајќи им добро платена работа, а потоа мигрантите работеле без надомест на неговата фарма и во неговито дом, а ако одбиеле биле претепувани.

Угостителската индустрија на Квинсленд беше присилена брзо да се прилагоди на новите плановите за викендите поради новото правило „без стоење”, но полицијата го пофали нивниот труд. Главниот доктор на Квинсленд уште минатиот петок најави дека сите посетители на лиценцираните простори за точење алкохол мораат да седат во секој момент освен кога нарачуваат пијалок.

Викторија потврди рекорден број смртни случаи и зголемен број заразени од коронавирус поради што многумина изразија страв дека карантинот во Мелбурн не функционира.

Над 80 отсто од новите случаи на коронавирусот во Викторија од средина на мај се заразени на работните места, изјави премиерот Даниел Ендрус кога објави за новозаразените случаи. Значително е ширењето на вирусот во секторот за грижа за стари лица каде привремените работници редовно се движат од една во друга установа, изјави Ендрус.

Федералната опозицијата вели дека „има смисол” да се намалат исплатите во програмата JobKeeper во случаи каде луѓето во склоп на оваа програма вредна $70 милијарди, заработуваат сега повеќе отколку обично.

Австралија ќе додаде дополнителни 20 милијарди австралиски долари за поддршка на работните места, додека гувернерот на централната банка Филип Луи предупреди на тешко закрепнување бидејќи здравствената криза продолжува.

Неодговорни граѓани продолжуваа да ги кршат рестрикциите воведени во Викторија, а за време на минатиот викенд казни добиле над 200 граѓани на Мелбурн.

Влошување на епидемиолошката ситуација во Нов Јужен Велс доведе до нови принудни промени, не само во оваа држава, туку и во Јужна Австралија. Со зголемување на бројот на заразени со коронавирусот во новото жариште на југозападот на Сиднеј, се покажа дека состојбата не е доволно стабилна за да се отворат целосно границите за жителите на Нов Јужен Велс.

Квинсленд ја отвори границата за одмор на сите туристи освен за Викторија.
Министерот за здравство на Квинсленд, Steven Miles, изјави дека е забрането влегување на сите кои биле во Викторија во претходните две недели, освен на жителите на државата кои се враќаат дома и неколку други исклучоци.