Претставниците на муслиманските заедници во Австралија сметаат дека ваква мерка е потребна за да се заштитат од екстремните десничари.

Aвстралискиот авиопревозник „Квантас” постави нов рекорд откако успешно го комплетираше пробниот лет од Лондон до Сиднеј.

Здравствените власти го истражуваат ширењето на епидемијата на сипаници во Перт и југозападните делови на Западна Австралија откога се регистирани нови 13 заболени лица со оваа многу заразна болест вклучувајќи и три бебиња.

Скот Морисон вели дека е личност која може да се занимава со домашни прашања – но неговиот распоред на интернационални патувања говори нешто сосема друго.

Федералната влада ќе обезбеди $3 милиони за да се истражи на кој начин медицинскиот канабис може да им помогне на лица болни од рак.

Две кровни медицински групи го подготвуваат тоа што го нарекуваат итна потребна реформа на секторот за грижа за стари лица.

Католички бискуп на Нов Зеланд поднесе оставка откако црковното тело го истражи обвинението од млада жена поради „неговото несоодветно однесување од сексуална природа”.

Израелскиот суд одобри ослободување со кауција за Малка Лејфер, поранешна директорка на училиште во Мелбурн, која Австралија ја бара за 74 обвиненија за силување деца.

Државните училишта низ Западна Австралија ќе имаат корист од владиниот пакет вреден $200 милиони, со што ќе се отворат над 3.000 нови работни места. Сите 789 училишта во јавниот сектор во оваа држава ќе поделат $35 милиони кои ќе можат да ги потрошат на одржување или на помали поправки наведени во извештајот за процена на состојбата на школските установи.

Десет илјади ученици од Нов Зеланд се одѕваа на повикот за протести поради климатските промени на околу 40 јавни места низ целата земја обединети во првиот „меѓугенерациски штрајк”.

Главниот град на Австралија, Канбера, е првиот во земјата што ја легализира марихуаната за лична употреба. Законодавното собрание на градот изгласа дека заклучно со 31 јануари следната година, возрасните можат да поседуваат и до 50 грама сушена марихуана и да одгледуваат две растенија марихуана.

Се поголемата глобалната нестабилност, закани за безбедноста и се трговските бариери ќе го обележат состанокот на лидерите на земјите на групата Г7 каде прајминистерот Скот Морисон ја претстави Австралија како посебно повикан гостин.

Полицијата во Мелбурн објави предупредување откога помали судири избија меѓу поддржувачи и противници на протестите во Хонг Конг, за време на митингот во Мелбурн на кој се собраа неколку стотици лица од кинеската заедница.

Првиот автобус без возач на улиците на Квинсленд во близина на Бризбејн пристигнува годинава, а ќе вози со брзина од само 20 км на час. За жителите на островот Karragarra кои моментално немаат јавен превоз, бесплатно ќе го користат ова автоматизирано возило за време на шест месечниот проект кој треба да почне во ноември.

Апелацискиот суд на Викторија ја потврди затворската казна на кардиналот Џорџ Пел, кој е осуден за педофилија.

Австралија ќе обезбеди 500 милиони долари (338 милиони американски долари) за справување со проблемите од климатските промени во Тихоокеанскиот регион.
Парите ќе се потрошат за зголемена готовност за заштита од природни непогоди и за инвестиции во обновливи извори на енергија.

Официјални претставници на Нов Зеланд признаа дека направиле грешка дозволувајќи му на Брентон Тарант, обвинет за убиство на 51 лице во две џамии во Крајстчрч, да испрати писмо од неговата затворска ќелија.

Шест лица, вклучувајќи четворица Британци и двајца Австралици. Уапсени се во Австралија и Нов Зеланд, во најголемата заплени на дрога во оваа област.