Прифаќањето на платформи на туѓи држави како основа за преговори и формирање коалиции е процес кој води во разградување и редефинирање на државата
Откако СДСМ ги доби потписите на пратениците од ДУИ и Алијансата за Албанците, со што формираше мнозинство во Собранието, Извршниот Комитет на ВМРО-ДПМНЕ одржал седница со анализа на ситуацијата.

КОМАНДАНТ МАЛИШЕВА СВЕДОЧЕШЕ ЗА “ДИВА НАСЕЛБА”:
– Бевме предадени од луѓе од ДУИ и од власта. Пукав колку што можев. Или ќе те убијат или ќе пукаш за да се одбраниш, рече пред судот Мухамед Анди Красниќи, познат како командант Малишева од Косово, второобвинет во случајот кој беше сослушан како сведок на одбраната во случајот „Дива населба”.

Јустинијан Први никогаш не го заборавил своето родно место, иако како цар имал премногу обврски. Ова тврдење археолозите го темелат на голем ќуп со царски печат на Јустинијан, кој во 2008 година го откри археологот Kиро Ристов, што кажува дека римскиот император го помагал населението и со храна. Дека многу му значело родното место говори и податокот што императорот го утврдил Таор со бедем.

Во Македонската опера и балет се подготвува мјузиклот „Тајно моја”, во чест на Тоше Проески. Екипата на мјузиклот почна со читачки проби со режисерот Тони Михајловски, а главните улоги ќе ги толкуваат Антонија Гиговска и Денис Димоски. Овие двајца беа избрани за главните улоги во мјузиклот по пат на голем кастинг.

Пушка од царска Русија, турска офицерска сабја, австриска „малихерка” се дел од старите и ретки примероци оружје кои веќе им се достапни на жителите на Велес во Народниот музеј во градот. Ретко кој знае дека во музејските витрини имало оружје старо и со векови. Повеќето од предметите се пушки и пиштоли, кои до сега не беа достапни ниту конзервирани, а се чуваа во депоата на Музејот, далеку од очите на јавноста.

“Изминатата 2016 година беше успешна и квалитетна за НУ Ансамбл за народни игри и песни на Македонија „Танец”, како на домашен, така и на меѓународен план. Имавме 43 домашни настани со 20.000 посетители и 36 меѓународни настани со 39.000 публика” – истакна директорот на „Танец”, Зоран Џорлев, на прес-конференција на која информираше за сработеното во 2016 година и ја презентираше програмата за годинава.

Здружението за заштита на авторските музички права (ЗАМП) ја тргна забраната за јавно емитување македонска музика што беше воведена на 17 септември минатата година, соопшти самото Здружение.

Соборниот храм на св. Јован Крстител во древното македонско светилиште, Бигорскиот манастир, од неодамна е збогатен со нова дрвена целивалница (резбан иконостас) за иконата на пресвета Богородица. Насловена е „Достојно ест” и изработена од струшкиот копаничар Новица Столески.

Филхармонијата ќе гостува во Kина
Повеќе од 400 нови изданија, 125 проекти од драмската дејност, многу изложби и концерти, гостувања во Kина, САД, европски земји и во Јапонија се предвидени во Програмата за културата за 2017 година на Министерството за култура. Годинашниот буџет за културата изнесува нешто помалку од $ 100 милиона и е за 15,43 % поголем отколку лани.

Спиро Ристовски, член на ИК на ВМРО ДПМНЕ ги коментираше новите истраги на Специјалното обвинителство. Тој вели и новите истраги на СЈО се во насока на заштита на криминалот на Зоран Заев и политичко оцрнување на ВМРО-ДПМНЕ.

Грчките медиуми истакнуваат дека Малта, неколку дена откако го презеде претседателството со ЕУ, ја призна Република Македонија под уставното име.

Организацискиот одбор за прослава на Водици во Гостивар парите што беа собрани од доброволните прилози на граѓаните ги донираше во изградбата на манастирот «Свето Преображение Христово» во населбата Циглана.

Македонските компании кои котираат на Берзата вкупно вредат 1,881 милијарда евра ($ 2.67 милијарди), односно толку пари би зеле нивните сопственици доколку ги продале сите акции во последниот ден од минатата година. Во овие фирми влегуваат и котираните акции, но и акционерските друштва со посебни обврски за известување. Тоа е пораст за 12,5 % на пазарната капитализација на компаниите во однос на 2015 година.

Шпанскиот национален оркестар во Мадрид деновиве го назначи новиот концерт-мајстор, 32-годишниот виолинист Ѓорги Димчески. Овој млад виолинист од Македонија, кој повеќе години живее и работи во Шпанија, ги има допрено ѕвездите во буквалната смисла на зборот – настапил со славните диригенти Лорин Мазел, Зубин Мехта, Џорџ Претр, Валери Гергиев и е специјален гостин на последното цеде на славниот оперски пејач Пласидо Доминго, под наслов Encanto del Mar.

Интересни резултати покажува археолошко истражување на древниот антички македонски град Брианиј, на локалитетот Градиште – Граишка Чука, над селото Граиште – Општина Демир Хисар.

Турција реши да го раскине билатералниот договор со Македонија од 1998 за меѓусебно признавање на факултетските дипломи од сите образовни нивоа, а одлуката, потпишана од претседателот Реџеп Таип Ердоган, е објавена во службен весник и во неа пишува дека била донесена во декември минатата година, на предлог на турското Министерство за надворешни работи, a стапува на сила на 11 февруари.

Лидерот на ВМРО-ДПМНЕ, Никола Груевски, го дал првото интервју за медиум од Косовово што беше протолкувано како негов обид за приближување до електоратот на албанската заедница во Македонија. Во тоа мега-интервју за косовскиот „Газета Експрес” тој ги појаснува своите политички ставови. Вели дека преговорите за новата влада веќе се почнати и оти ВМРО-ДПМНЕ ќе се обиде да направи коалиција со ДУИ, но не може да каже дали тоа навистина ќе се случи.

Американската Централна разузнавачка агенција (ЦИА) објави над 12 милиони тајни документи меѓу кои има и илјадници кои се однесуваат на Македонија и поранешна Југославија.